مضغوطة متوترة متنرفزة مع ماهى هتبقي "تمام"

لو انتي من الاشخاص البصريين يعني حاسة البصر عندك هي اللي بتأثر على مودك يبقى جربي الجاحات دي

بصي على صورة تكوني بتحبيها او تكون ليها ذكرى جميلة
خلي عندك اصيص زرع صغير في البيت او في الشغل تبصي له وقت ما تتضايقي
افتحي الشباك و بصي على اي منظر مريح لو عندك شجر في الشارع او بصي في السماء
خلي حواليكي الوان تحسسك بالراحة و الهدوء
غمضي عينك و تخيلي نفسك في مكان جميل على البحر او وسط زرع او اي لحظة جميلة مرت بيكي (محتاجة تدريب)






ثالثا : لو انتي من الاشخاص السمعيين يعني حاسة السمع بتأثر على مودك

اسمعي قرآن و خصوصا الآيات اللي بتحسي فيها بهدوء نفسي
اسمعي اصوات طبيعية زي زقزقة العصافير و اصوات الامواج و المطر
اقرئي الايات اللي بتهديكي بصوت مسموع ليكي او دندني بحاجة تريحك
هاتي النافورة الصغيرة و حطيها في بيتك علشان تسمعي صوت الميه و تريحك

رابعا : لو حاسة الشم هي اللي بتأثر على مودك

افتحي بخور او شمعة معطرة او فواحة بعطرك المفضل
شمي وردة او اي زهرة تحبيها
استنشقي ريحة اللافندر و عطري بيها سريرك و استرخي عليه
اخرجي و استنشقي هواء نقي




خامسا : لو حاسة اللمس بتأثر على مودك


البسي ملابس ناعمة على بشرتك
امسكي دبدوبك المفضل او العبي مع قطتك لو عندك قطة
خدي حمام دافيء
اعملي لنفسك مساج للرقبة و الايدي




سادسا : لو حاسة التذوق هي اللي بتأثر على مودك (طبعا %99.99 من الستات )
بس السر هنا هو في التذوق مش في الاكل بنهم يعني مجرد انك هتتذوقي حاة انتي بتحبيها او بتحسن المود و في نفس الوقت متزودش الوزن


امضغي لبانة بدون سكر
كلي قطعة شيكولاته دارك (بتحسن المود جدا)
ارتشفي كوبا من الشاي او القهوة او مشروب بارد مفضل لديك
كلي قطعة فاكهة ناضجة
استمتعي بسناكس من المكسرات غير المحمصة



سابعا: لو كنتي بتميلي للانطواء و الاكتئاب كرد فعل للضغط العصبي

اعملي اي نشاط يطلع من الحالة دي


اخرجي اتمشي مسافة صغيرة
اعملي تمارين جري في المكان او قفز
ارقصي
اضغطي على كرة مطاطية
حركي رأسك في حركات دائرية





بعد ما وضحنا شوية افكار ان شاء الله تكون مفيدة ليكم


نيجي لأهم حاجة و هي التدريب

* دربي نفسك على قوة التخيل ( اتخيلي الحاجة او المكان او الموقف او الذكرى اللي بتحبيها) و افضلي فكري في كل تفاصيلها لحد ما تبقى عادة عندك تقدري تهربي بخيالك بعيد عن اي موقف يضغط على اعصابك في البيت او الشغل او اي مكان بمعنى آخر اتعلمي ازاي (تفصلي)


* دربي نفسك على النصائح السابقة في مواقف بسيطة قبل ما تنفذيها على المواقف الصعبة مرة واحدة يعني مثلا ترويق المطبخ بعد يوم طويل و مرهق


* حددي هدف معين كل فترة تتخلصي من التوتر الناتج عنه
يعني مثلا ابدئي بالتوتر و الضغوط الناتجة عن النقاشات مع اولادك دربي نفسك على التخلص منها لمدة شهر مثلا و بعدين اختاري هدف تاني و هكذا


* اختبري حواسك كلها في التخلص من التوتر و متركزيش على حاسة معينة لحد ما تعرفي ايه اكتر حاجة بتريحك يعني مثلا جربي عطرك المفضل مرة و بعدين صورة بتحبيها مرة او حركة رياضية و هكذا


* استمتعي بالامر و انتي بتدربي نفسك و لو حاجة منفعتش جربي حاجة تانية و ابتكري و فكري في افكار جديدة تساعدك على التخلص من التوتر